Minister Iqbal, Nag-turnover ng Sasakyan sa Directorate General for Higher Education para Palakasin ang Transportasyon ng mga Kawani
COTABATO CITY (Ika-10 ng Oktubre, 2024)—Isinagawa ng Ministry of Basic, Higher and Technical Education (MBHTE) ang pormal na turnover ng isang unit ng van para sa Office of the Directorate General for Higher Education (DGHE) at limang (5) unit para sa Ministry-Supervised Higher Education Institutions (MSHEIs) upang mapahusay ang transportasyon ng mga kawani at estudyante noong ika-9 ng Oktubre.
Sa isang seremonya na ginanap sa Main Office ng MBHTE, sa loob ng Bangsamoro Government Center ng Lungsod, personal na iniabot ni Minister Mohagher M. Iqbal ang mga simbolikong susi sa mga kinatawan ng mga paaralang tatanggap ng mga sasakyan.
Kabilang sa mga benepisyaryong institusyon ang Upi Agricultural School, Unda Memorial National Agricultural School, Lanao Agricultural College, Balabagan Trade School, at Bangsamoro Kulliyah for Islamic Studies na dating REMACADEMY sa Buluan, Maguindanao del Sur.
Ang bawat sasakyan, na may kapasidad na hanggang 15 pasahero, ay binili partikular para mapabuti ang accessibility at transportasyon, at upang tumugon sa iba’t ibang pangangailangan ng mga institusyong ito.
Ayon kay Minister Iqbal, ang mga sasakyan ay bahagi ng pagsisikap ng MBHTE na masiguro ang mas maginhawa at episyenteng transportasyon para sa mga guro, mag-aaral, at iba pang tauhan ng mga nasabing institusyon. (Hasna U. Bacol, BMN/BangsamoroToday)
