MILG Pinangunahan ang Barangay Assembly Day sa Nabundas, Itinaguyod ang Grassroots Governance
COTABATO CITY (Ika-25 ng Oktubre, 2024) — Mahalagang papel ang ginampanan ng Ministry of the Interior and Local Government (MILG) sa Barangay Assembly Day para sa ikalawang semestre ng 2024 na ginanap sa Barangay Nabundas, Malidegao, Special Geographic Area (SGA). Ang nasabing aktibidad ay nagbigay-diin sa kahalagahan ng lokal na pamahalaan, pananagutan, at pakikilahok ng komunidad, na may pokus sa pagtugon sa mga hamon sa rehiyon at pagpapabuti ng kapakanan ng mga komunidad ng Bangsamoro na isinagawa noong ika-20 ng Oktubre.
Dumalo sa pagtitipon si MILG Minister Atty. Sha Elijah B. Dumama-Alba, na kanyang binigyang-diin ang kahalagahan ng pakikilahok ng komunidad sa pamahalaan. Ang MILG ay nakatuon sa pagsuporta at pagbibigay kapangyarihan sa mga komunidad na ito upang makamit ang napapanatiling pag-unlad.
Anya, ang tunay na pagbabago ay nagsisimula sa antas ng barangay, kung saan ang mga lider at mamamayan ay nagtutulungan upang malutas ang mga pang-araw-araw na isyu.
“Real change starts at the barangay level, where leaders and citizens work together to solve everyday issues. MILG is committed to supporting and empowering these communities to achieve sustainable development,” ayon kay Minister Dumama-Alba.
Ilan sa mga dumalo ay sina Operations Management Services Director Fausiah R. Abdula, SGAFO Head Zaiton Abas, Malidegao Vice Mayor Mujahid Alba, at Nabundas Punong Barangay Haren Sultan-Alba. Dumalo rin ang mga barangay kagawad, konsehal mula sa Malidegao, at mga kinatawan mula sa karatig barangay.
Tinalakay sa meeting ang mga proyekto, transparency sa pondo, at mga programang may kaugnayan sa seguridad, kalusugan, at kapakanan ng komunidad. Ang mga lokal na opisyal ay nagbigay ng kanilang mga hinaing, humingi ng payo, at nagbigay ng feedback sa MILG.
Nagpahayag naman ng kanilang suporta sina Director Abdula at SGAFO Head Abas sa pagpapalakas ng pamahalaang pambarangay. Pinuri rin nina Vice Mayor Alba at iba pang lokal na lider ang tulong ng MILG, at binanggit ang mga makikitang pagbabago sa Malidegao.
Ang Barangay Assembly Day ay nagsilbing mahalagang plataporma ng kooperasyon, na sumasalamin sa dedikasyon ng MILG sa mas malakas at mas inklusibong Bangsamoro. (Hasna U. Bacol, BMN/BangsamoroToday)
