Muslim scholars (Ulama) na dumalo sa pagpupulong ng Ministry of Health para mapahusay ang health literacy sa BARMM. (Litrato mula sa MOH-BARMM)

COTABATO CITY (Ika-5 ng Enero, 2024) — Nagsagawa ng coordination meeting ang Ministry of Health sa Bangsamoro Autonomous Region in Muslim Mindanao (MOH-BARMM) para sa nakatakdang paki-pag sanib puwersa sa mga pangunahing relihiyosong ahensya at komite tulad ng Da’wah Committee, Bangsamoro Darul Ifta, Hayyattul Ulamma, Madaris, at Masajid affairs para mapahusay ang health literacy sa BARMM.

Ang coordination meeting na ginanap kahapon, Huwebes ay nagbigay-diin sa pagtataguyod sa kaalaman sa kalusugan at edukasyon sa loob ng komunidad ng Bangsamoro. Sa pagkilala sa maimpluwensyang papel ng mga institusyong panrelihiyon, ang MOH ay naglabas ng isang progresibong plano upang gamitin ang mga Masjid (mosque) bilang mga lugar para sa mga inisyatiba sa health education.

Ayon sa MOH ang pamamaraang ito sa pagtataguyod ng kahalagahan ng pakikilahok ng grassroots para sa paghulma sa magiging resulta ng public health.

Ang inisyatiba ay naglalayong lumikha ng isang maayos at mahusay na kaalaman ng komunidad na inuuna ang kalusugan at kapakanan ng kanyang mamamayan sa pamamagitan ng pagsasama-sama ng lakas ng mga propesyonal sa healthcare at Ulama.

(Litrato mula sa MOH-BARMM)

Ang MOH ay nagbalangkas ng mga tiyak na estratehiya na ipapatupad sa pakikipagtulungan ng religious committees. Kabilang dito ang pagbuo ng health-focused curriculum materials batay sa 7 healthy priority areas ng Department of Health, mga sesyon ng pagsasanay para sa mga lider ng relihiyon sa mga paksang may kaugnayan sa kalusugan, at ang pagsasama ng mga kampanya sa kamalayan sa kalusugan na may pananaw sa Islam tuwing Biyernes sa mga congregational prayer.

Habang nagpapatuloy ang MOH sa walang katulad na pakikipagtulungang ito, ang pinagsamang pagsisikap ng mga religious entity, informational, at pagbibigay halaga sa kabataan ay nakahanda upang lumikha ng pagbabagong epekto sa kaalaman sa kalusugan sa rehiyon ng BARMM.

Ang inklusibong pamamaraang ito ay inaasahang magtatakda ng isang pamarisan para sa hinaharap na mga community-driven health initiatives, na nagpapakita ng lakas na nagmula sa pagkakaisa sa pagtugon sa mga hamon sa public health.

Ang nasabing pagtitipon ay dinaluhan ng ng Bangsamoro Information Office (BIO), Bangsamoro Youth Commission (BYC), at Bangsamoro Planning Development Authority (BPDA), na binibigyang-diin ang estratehikong pagpaplano at pakikilahok ng sektor ng kabataan sa health literacy initiative.

Ang sama-samang pagsisikap na ito ay naglalayong hindi lamang upang matugunan ang mga agarang alalahanin sa kalusugan kundi pati na rin ang paglalatag ng batayan para sa sustenable at matatag na mga health practices sa rehiyon ng Bangsamoro. (Tu Alid Alfonso, BMN/BangsamoroToday)

Leave a Reply

Your email address will not be published. Required fields are marked *

Previous post Turtle Islands 140 trainees, nagtapos ng MBHTE-TESD Tulong ng Tekbok sa Pag-angat ng Bangsamoro
Next post MILF Ligawasan Province 16th Provincial Musabaka ginaganap sa Camp Rajamuda