Pagtatayo ng Multi-Purpose Drying Pavements sa bayan ng Maguindanao del Sur, Malaking Tulong sa Magsasaka
COTABATO CITY (Ika-7 ng Marso, 2025) — Isa sa mga mahahalagang proyekto ng Ministry of Agriculture, Fisheries, and Agrarian Reform (MAFAR) ang nakatakdang pagtatayo ng mga Multi-Purpose Drying Pavements sa Barangay Sugadol, Datu Abdullah Sangki, Maguindanao del Sur, at Barangay Edcor, Buldon, Maguindanao del Norte.
Ang makabuluhang seremonya ng paglalahad ng pundasyon ay nasaksihan ni Bangsamoro Transition Authority (BTA) Interim Parliament Member Atty. Teng M. Ambolodto, MNSA. Dumalo rin sa okasyon ang mga benepisyaryo ng proyekto mula sa Datu Hassan Ampatuan Agriculture Cooperative, sa pangunguna ni Chairman BGen Taharudin Piang Ampatuan, at ang Alliance of Small Agriculture Cooperative, sa pamumuno ni Chairman Abdul Rahman D. Macabangon.
Kabilang din sa mga dumalo ang mga opisyal ng MAFAR, na sina Transitional Development Impact Fund (TDIF) Engineers Tahir L. Otto at Abdel Aziz S. Tending.
Ang pagpapatayo ng multi-purpose drying pavements ay isang malaking tulong sa mga magsasaka ng Bangsamoro dahil makakatulong ito sa mas maayos at epektibong pagpapatuyo ng kanilang ani, lalo na sa palay at mais. (Hasna U. Bacol, BMN/BangsamoroToday)
