MDN ‘GobSam’ Macacua nakiisa sa pagdiriwang ng Shariff Kabunsuan Festival 2023
COTABATO CITY (Ika-20 ng Disyembre, 2023) — Nakiisa si Gobernador Abdulraof “GobSam” A. Macacua sa highlight ng isang linggong pagdiriwang ng Shariff Kabunsuan Festival, kung saan ipinakita ng Ministry of Trade, Investment, and Tourism, kasama ang Pamahalaang Lungsod ng Cotabato, ang isang magandang pinalamutian na bangka sa isinagawang Ginakit fluvial parade umaga ng Lunes, na ginanap sa pier ng Bangsamoro Port and Management Auhtority dito sa Lungsod.
Sa kanyang pahayag, binigyang-diin niya na ang SK Festival ay higit pa sa pagiging isang pagpapakita lamang ng mga kulay at musika; sa halip, ito ay nagsisilbing paggunita sa masiglang kultura at pamana ng mga tao, kanilang mga tradisyon, at magkakaibang pagkakakilanlan. Ipinagdiriwang ng malalim na koneksyon ng Bangsamoro sa kanilang mga ilog, na nagsilbing mahalagang linya ng buhay para sa mga henerasyon, nag-aalok ng kabuhayan, transportasyon, at bukal ng inspirasyon.
Ayon kay GobSam habang ipinagdiriwang ng may kasiyahan, hayaang pagnilayan ang mayamang kasaysayan at kahalagahan ng okasyong ito sa Mindanao, ng ating minamahal na tahanan ng may malalim na kasaysayang nauugnay sa Shariff Kabunsuan ng pagkakaiba-iba ng kultura, katatagan at ang maayos na co-existence ng iba’t ibang mga komunidad.
Samantala, ipinahayag ni Cotabato City Mayor Muhammad Ali “Bruce” C. Matabalo na ang pagdiriwang ay nagsisilbing simbolo ng pagkakaisa at kapayapaan. Binigyang-diin niya na ang sama-samang pagsisikap ng Bangsamoro Government at ng Pamahalaang Lungsod sa pag-oorganisa ng makabuluhang kaganapang ito ay nagpapakita ng kanilang matatag na pangako sa pagkakaisa at pagtutulungan.
Dumalo rin sa kaganapan sina Minister Abu Amri Taddik ng MTIT at Deputy Senior Minister Abdullah “Dong” Cusain ng Office of the Chief Minister.
Ang selebrasyon ngayong taon ay may temang “Pagpaparangal sa mga Tradisyon, Pagpapanday ng Bagong Horizons”.
Ang SK Festival ay ginaganap taun-taon tuwing Disyembre 19 sa mainland Mindanao, na may malaking kahalagahan para sa komunidad ng Bangsamoro bilang tanda ng pagdating ni Shariff Mohammad Kabunsuan. Siya, bilang isang Arab-Malay na misyonero ay nagpakilala ng Islam sa pampang ng Rio Grande de Mindanao noong ika-16 na siglo. (Saima H. Angcog, BMN/Bangsamoro
