COTABATO CITY (April 5, 2023) — Nagpaabot ng pagbati ang alkalde ng Lungsod ng Cotabato Mohammad Ali “Bruce” Matabalao sa pagkakatalaga kay BARMM Senior Minister Abdulraof A. Macacua bilang Governor ng Maguindanao del Norte sa seremonyang naganap sa Malacañan Palace ngayong araw na pinamunuan ni Pangulong Ferdinand “Bongbong” Marcos, Jr.
Si Macacua ay pormal ng nanumpa kay Pangulong Marcos Jr. na unang Gobernador ng Maguindanao del Norte na ginanap sa Palasyo ng Malacañang alas dyes (10AM) ng umaga ngayong Miyerkules.
Makikita sa larawan na naka post sa social media na nagsama-sama ang mga kapartido ni City Mayor Matabalao sa United Bangsamoro Justice Party (UBJP) kabilang si Sultan Mastura Mayor Dr. Zulficar “Doc Bong” Panda sa panunumpa ni Macacua sa Malacañang.
Matatandaan na nabuo ang Maguindanao del Norte nang hatiin ang lalawigan ng Maguindanao sa dalawang lalawigan; ang kabilang lalawigan ay ang Maguindanao del Sur.
Naganap ang paghahati kasunod ng plebisito noong ika-17 ng Setyembre 2022 na niratipikahan ang Republic Act 11550 kung saan iminungkahi nito ang paghahati sa lalawigan. ### (Nhor-hamen S. Aplal, BMN-USM BSIR Intern/BangsamoroToday, Litrato mula sa Facebook Bruce “BM” Matabalao)
LONGLIVE NEW MAGUINDANAO DEL NORTE PROVINCE