Joint Task Forces on Camps Transformation ng MILF, Sumailalim sa Reflection Session
COTABATO CITY (July 3, 2025) — Sumailalim sa reflection session o sesyon ng pagmumuni-muni ang mga miyembro ng Joint Task Forces on Camps Transformation (JTFCT) ng Moro Islamic Liberation Front (MILF) noong Hunyo 26, 2025, upang balikan ang nakalipas na panahon ng pagpapatupad ng Bangsamoro Camps Transformation Project (BCTP), kabilang ang sinuri ang mga hamon na kinakaharap, at isinasaalang-alang ang mga pinakamahusay na kagawian na maaaring magpakita ng mga plano ng komunidad sa hinaharap.
Ang JTFCT sa mga coordinator at camp level ay gumanap ng mahahalagang tungkulin sa pagpapatupad ng BCTP. Para sa mga camp level ng JTFCT-MILF, kabilang sa kanilang gawain ay may kaugnayan sa koordinasyon at pagsubaybay sa mga proyekto o programa ng Normalization sa anim (6) na pangunahing kampo ng MILF na sina- Abubakar, Badre, Bilal, Busrah, Rajamuda at Omar. Inatasan din silang tukuyin ang mga site ng BCTP batay sa tiyak na pamantayan.
Ang JTFCT coordinators level ay binubuo ng apat (4) na Co-Chairperson; Miyembro ng Parliament Ali “Maestro Celes” Salik at Propesor Abhoud Syed Lingga na kumakatawan sa MILF, LtGen. Danilo Pamonag at Member of Parliament Engr. Baintan Adil-Ampatuan para sa Pamahalaan ng Pilipinas. Ang bawat kampo ay binubuo ng dalawang (2) coordinator at tatlong (3) miyembro.
Sa Facebook post ng BDA Inc., anila, ang mga hakbangin na ito ay bahagi ng patuloy na pagpapatupad ng BCTP, na ipinatupad ng BDA Inc. sa pakikipagtulungan sa Community and Family Services International (CCFSI).
Ang proyekto, na mayroong 12 site, ay isa sa mga proyektong pinondohan ng Bangsamoro Normalization Trust Fund (BNTF), isang bagong pasilidad sa pagpopondo na pinangangasiwaan ng World Bank na may mga kontribusyon mula sa Australia, Canada, European Union at United Kingdom.
Ang BCTP ay sinusuportahan din ng Office of the Presidential Adviser on Peace, Reconciliation and Unity (OOPAPRU pati na rin ng JJoint Task Forces on Camps Transformation(JTFCT) na parehong mula sa Gobyerno ng Pilipinas at Moro Islamic Liberation Front (MILF). (Tu Alid Alfonso, BMN/BangsamoroToday)
