Bangsamoro Parliament’s Committee on Amendments, Revision, at Codification of Laws and Committee on Local Government, Muling Bunuksan ang Usapain sa Parliament Bill No. 351
COTABATO CITY (Ika-1 ng Agosto, 2025) — Muling binuksan ng Committee on Amendments, Revision, and Codification of Laws (CARCL) at Committee on Local Government (CLG) ng Bangsamoro Parliament ang talakayan noong Huwebes, sa isang panukalang batas na nagmumungkahi na muling i-configure ang 32 parliamentary district ng rehiyon kasunod ng paglabas ng bagong data ng populasyon.
Ang Parliament Bill No. 351, na inakda ng government of the day, na naglalayong buuin muli ang mga distritong parlyamentaryo ng rehiyon, ay naunang naaprubahan sa antas ng komite.
Ang bill’s committee report ay nakarating sa plenaryo ngunit ibinalik sa mga komite para sa karagdagang pagsusuri matapos ilabas ng Philippine Statistics Authority (PSA) ang kanilang 2024 census.
Ang iminungkahing panukala ay kinalkula batay sa bilang ng populasyon na 3.9 milyon. Ang pinakahuling ulat ng PSA ay nagpapakita ng populasyon na 5.6 milyon ngunit kabilang sa bilang na ito ang Sulu, na kamakailan ay pinasiyahan ng Korte Suprema na hindi na bahagi ng BARMM. Maliban sa Sulu, ang populasyon ay nasa humigit-kumulang 4.5 milyon.
Sa ilalim ng Bangsamoro Autonomy Act No. 58, ang mga distritong parlyamentaryo ay hahatiin batay sa populasyon na hindi bababa sa 100,000 residente at heograpikal na pagsasaalang-alang.
Binigyang-diin ng Committee chairs na walang layuning ipagpaliban ang pagpasa ng panukalang batas ngunit kinilala ang pangangailangang maingat na pag-aralan kung paano maaaring makaapekto ang na-update na data ng populasyon sa mga hangganan at representasyon ng distrito.
Samantala, ayon sa LTAIS–Public Information, Publication, and Media Relations Division, ang pagpupulong ay sinuspinde upang bigyan ang mga mambabatas ng panahon na masusing suriin ang 2024 PSA data at masuri ang mga implikasyon nito para sa iminungkahing muling pagsasaayos ng distrito.
Sa karagdagang pahayag ng LTAIS–Public Information, Publication, and Media Relations Division, ang mga deliberasyon ay nakatakdang ipagpatuloy ngayong araw ng Biyernes, sa unang araw ng Agosto. (Tu Alid Alfonso, BMN/BangsamoroToday)
