MP Iqbal, namamahagi ng ₱2-M sa mga ospital sa Cotabato City, Maguindanao del Norte
COTABATO CITY (Ika-19 ng Hulyo, 2025) — Sa isang maikling seremonya na ginanap araw ng Sabado sa kanyang opisina, si Member of Parliament M. Iqbal, sa pamamagitan ng kanyang mga staff, ay namahagi ng mga tseke na may kabuuang Dalawang Milyong (₱2-M) piso sa iba’t ibang benepisyaryo ng ospital ng Medical Outreach Program (MOP).
Ang Datu Odin Sinsuat District Hospital sa Dalican, Maguindanao del Norte, ay tumanggap ng ₱1,000,000; EROS Hospital sa Tamontaka, Cotabato City ay nabigyan ng ₱500,000; at ang Doc. Sweet Lying Clinic sa Cotabato City ay nakatanggap ng ₱500,000.
Ayon sa Facebook ni MP Iqbal, ang programa ay isa sa mga pangunahing inisyatiba ng gobyerno ng BARMM sa ilalim ng Opisina ng Punong Ministro at ng Bangsamoro Transition Authority, na ipinatupad sa pamamagitan ng mga Miyembro ng Parliament sa pakikipagtulungan sa Ministry of Health, BARMM.
Nilalayon nitong magbigay ng tulong pinansyal na medikal sa mga mahihirap na pasyente at mga subsidyo sa mga ospital sa buong rehiyon ng Bangsamoro. (Tu Alid Alfonso, BMN/BangsamoroToday)
