MOH Minister Sinolinding, Nagsumite ng Courtesy Resignation
COTABATO CITY (Ika-30 ng Hunyo, 2025)—Nagsumite ng kaniyang courtesy resignation si Dr. Kadil M. Sinolinding, Jr., ang kasalukuyang Minister of Health ng Bangsamoro Autonomous Region in Muslim Mindanao (BARMM), nitong ika-24 ng Hunyo.
Ang hakbang na ito ay bilang tugon sa kautusan ni Chief Minister Abdulraof Macacua na nakasaad sa Memorandum Order No. 0074, series of 2025, na may petsang Hunyo 23. Sa nasabing memorandum, inaatasan ang lahat ng appointed na Ministers, Deputy Ministers, at Heads of Offices and Agencies na magsumite ng kanilang unqualified courtesy resignation bago matapos ang office hours sa ika-30 ng Hunyo (Lunes).
Sa kaniyang liham na isinulat kay Chief Minister Macacua, sinabi ni Sinolinding na:
“It has been an honor and privilege to serve under your leadership and to contribute in whatever humble way, with a vision of a peaceful, just, prosperous, and a healthy Bangsamoro Region.”
Dagdag pa niya, mananatili siyang tapat sa kanyang personal at pampublikong hangarin na patuloy na tumulong at sumuporta sa adhikain ng Bangsamoro at sa mga plano at programa ng kasalukuyang administrasyon.(Hasna U. Bacol, BMN/BangsamoroToday)
