BARMM at JICA, Lumagda sa Kasunduan para sa Mas Maayos na Kalusugan ng Ina, Bata, at Nutrisyon
COTABATO CITY (Ika-23 ng Hunyo, 2025) — Lumagda sa isang mahalagang kasunduan sina Bangsamoro Chief Minister Abdulraof Macacua at Japan International Cooperation Agency (JICA) Country Representative BABA Takashi nitong Huwebes ika-20 ng Hunyo, upang mas palakasin ang mga serbisyo para sa kalusugan ng mga ina, bagong silang na sanggol, mga bata, at nutrisyon sa rehiyon ng Bangsamoro.
Ang kasunduang pinamagatang “Project for Strengthening Services in Maternal and Child Health and Nutrition Improvement in the BARMM” ay isang 3-taóng proyektong teknikal mula sa JICA. Layunin nitong mapabuti ang kalagayan ng kalusugan at nutrisyon sa BARMM, lalo na ng mga ina at bata. Magsisimula ang proyekto ngayong Setyembre sa Cotabato City, Maguindanao del Norte, at Maguindanao del Sur.
Ayon kay Chief Minister Macacua, ang proyektong ito ay isang strategic investment o matalinong pamumuhunan para sa kalusugan at kinabukasan ng mga mamamayan ng Bangsamoro, “Your support strengthens not just our institutions but the very future of the Bangsamoro.”
Nagpahayag din ng buong suporta si Bangsamoro Health Minister at Parliament Member Dr. Kadil M. Sinolinding, Jr. para sa pagpapatupad ng proyekto. Aniya: “With the support of the government of the day under the leadership of Chief Minister Macacua, MOH assures the entire Bangsamoro will be healthy and strong.” (Hasna U . Bacol, BMN/BangsamoroToday)
