Ministry of Health, Ipinamahagi ang P62.1M Medical Assistance sa Target Beneficiary
COTABATO CITY (Ika-28 ng Marso, 2025) – Pinangunahan ng Ministry of Health (MOH) ng Bangsamoro ang pamamahagi ng PagP62.1 milyon na halaga ng medical na tulong mula sa Transitional Development Impact Fund (TDIF) at Supplemental Funds 2024 mula sa mga Miyembro ng Bangsamoro Parliament. Ang mga tulong na ito ay ipinamigay sa mga pampubliko at pribadong pasilidad pangkalusugan sa Bangsamoro region.
Ang tulong medikal ay kinabibilangan ng apat (4) na cadaver transport vehicles, labing-isang (11) ambulansiya, isang (1) sea ambulance, labing-isang (11) Tulong Medical Assistance, at mga pangunahing gamot.
Ang mga tulong na ito ay mula sa mga miyembro ng Parliament (MP) na sina Dan S. Asnawie, Ali Sangki, Akmad Abas, Susana Anayatin, Hatimil Hassan, Abdullah Hashim, Ali Salik, Lanang Ali, Jr., Aida Silongan, Jose Lorena, Haron Abas, Rasul Ismael, Ramon Piang, Sr., Omar Yasser Sema, Jamel Macacua, at Dr. Kadil “Jojo” Sinolinding, Jr.
“Mostly of the medical support that we are giving today are designed to save lives and facilitate recovery from illness and to protect the marginalized sector from financial burden of treatment,” ayon kay Dr. Sinolinding, kasabay ng kanyang pasasalamay sa mga miyembro ng Parliament (MPs) sa patuloy na pagsuporta at pagtulong sa pagpapabuti ng mga serbisyong pangkalusugan sa bawat Bangsamoro.
Ang TDIF assistance mula sa mga MPs ay nagsimula noong transition period sa Taong 2020 sa ilalim ng dating Chief Minister Ahod Ebrahim at ipinagpatuloy sa ilalim ng kasalukuyang Interim Chief Minister Abdulraof Macacua.
Ayon kay Parliament Deputy Speaker Atty. Omar Yasser Sema, “this is the 6th year of the implementation of TDIF. We need to innovate strategies for us to be able to continue the assistance for our health sector even though the transition is over. We will continue to serve the Bangsamoro.”
Nagpasalamat ang mga tumanggap mula sa mga pampubliko at pribadong institusyong pangkalusugan at umaasa silang magpapatuloy ang ganitong suporta kahit tapos na ang transition period.
Ang mga pribadong institusyon ay nagpapasalamat din sa pagiging bahagi ng tulong na ito.
“With the present leadership of the BARMM under Chief Minister Macacua, this guarantees everyone that the doors of our facilities will always be open, that the treatment will always be within reach, and recovery is guaranteed to all the Bangsamoro people,” pahayag ni Dr. Sinolinding, na isang doktor at ophthalmologist.
Tanggap ng sampung (10) Rural Health Units (RHU) at ng Bangsamoro Doctors Hospital ang mga sasakyang ambulansiya na may kasamang mga kagamitang pang-responde, habang ang Datu Alwaddin Memorial Hospital sa Sibutu, Tawi-Tawi ay nakatanggap ng sea ambulance na nagkakahalaga ng P9.6 milyon mula kay MP Atty. Jose Lorena.
Samantala, ang mga tumanggap ng Cadaver Transport Vehicles ay ang Kailih Barangay Health Station at Al Barka-RHU mula sa Al Barka, Basilan, ang Lamitan District Hospital sa Basilan, at ang Gen. S.K. Pendatun-RHU sa Maguindanao del Sur.
Ang Tulong Medical Assistance naman ay ipinamahagi sa Cotabato Sanitarium at General Hospital, Maguindanao Provincial Hospital, Cotabato Regional Medical Center, Notre Dame Hospital at Siena College, Inc., Datu Blah T. Sinsuat District Hospital, Deseret Ambulatory Referral (DEAR) Center, Cotabato Puericulture Center at Children’s Hospital, Inc., at Iranon District Hospital. (Hasna U. Bacol, BMN/BangsamoroToday)
