P106 Milyon, Inaprubahan para sa Bangsamoro Youth Commission sa 2025
COTABATO CITY (Ika-21 ng Nobyembre, 2024) — Inaprubahan ng Finance, Budget, and Management Committee ng Bangsamoro Parliament ang PhP106 milyong budget para sa Bangsamoro Youth Commission (BYC) para sa fiscal year 2025.
Ang pondong ito ay nakatuon sa pagsuporta sa iba’t ibang programa at aktibidad na naglalayong palakasin ang kakayahan ng kabataang Bangsamoro sa rehiyon ng BARMM.
Sa ibibigay na ito ng Bagnsamoro government na pondo, mapapalakas ng BYC ang kanilang adbokasiya para sa youth empowerment sa pamamagitan ng mas aktibong partisipasyon ng kabataan sa pagpapaunlad ng komunidad at mga covo activity.
Ayon sa LTAIS-Public Information, Publication, and Media Relations Division, Kabilang sa mga proyekto at insentibo na sakop ng budget ay ang stakeholder at partnership building, mga programa para sa pampublikong pakikipag-ugnayan, at ang Bangsamoro Youth, Peace, and Security Program.
Ang mga programang ito ay naglalayong palakasin ang papel ng kabataan sa pagsusulong ng kapayapaan, seguridad, at masiglang kaunlaran sa rehiyon. (Hasna U. Bacol, BMN/BangsamoroToday)
