3-Day Orientation ng Provincial Commodity Investment Plan at Agri-Fisheries Development Plan, Pinangunahan ng MDN Provincial Planning and Development Office
COTABATO CITY (Ika-27 ng Agosto, 2024) — Naisakatuparan ng Provincial Planning and Development Office ng Maguindanao del Norte (MDN) sa pamamagitan ng Planning and Program Division ang 3-day Orientation at Writeshop ukol sa pag-buo ng Provincial Commodity Investment Plan (PCIP) at Agri-Fisheries Development Plan na isinagawa sa Venue 88 Hotel & Events Place, General Santos City noong ika-19 hanggang ika-23 ng Agosto.
Dumalo sa nasabing aktibidad ang Municipal Planning and Development Coordinator (MPDC) Municipal MAFAR Officers (MMOs) mula sa iba’t ibang bayan ng MDN, mga opisyal mula sa Provincial Veterinary Office (OPVET) at Provincial Agriculturist (OPAG), Sangguniang Panlalawigan, PPMIU Officers, at MAFAR Maguindanao na pinamumunuan ni Provincial Director Ronjamin Maulana, PhD. Bahagi rin ng aktibidad ang Philippine Rural Development Project na pinangunahan ni Elsie S. Omandam, Planning specialist, bilang tagapagsalita sa orientation at writeshop.
Layunin ng nasabing aktibidad na makabuo ng isang Provincial Commodity Investment Plan na magpapakilala at pagbibigay-prayoridad sa mga oportunidad sa pamumuhunan para sa mga pangunahing produkto ng lalawigan. Kabilang dito ang pagsusuri sa lokal na mapagkukunan, pangangailangan, at potensyal na pang-ekonomiya sa pamamagitan ng Value Chain Analysis (VCA).
Ang PCIP at Provincial Agri-Fisheries Development Plan ay inaasahang magbibigay-daan sa sustenableng paglago at pag-unlad ng ekonomiya ng lalawigan, na pagtitiyak ng seguridad sa pagkain para sa mga lokal na mamimili at mga kalapit na lalawigan. (Hasna U. Bacol, BMN/BangsamoroToday)
