Bagong Teaching at Non-Teaching Personnel ng MBHTE sa Cotabato City, Nanumpa
COTABATO CITY (Ika-26 ng Hunyo, 2024) —Isinagawa ng Ministry of Basic, Higher and Technical Education (MBHTE) ang seremonya ng panunumpa at paglagay sa mga bagong itinalagang pitumpung (70) kawani na mga teaching and non-teaching personnel mula sa Schools Division Office ng Cotabato City (SDOCC) na pinangunahan ni education Minister Mohagher M. Iqbal na ginanap nitong Lunes, ika-24 ng Hunyo, sa Notre Dame Village Elementary School (NDVES) sa Lungsod.
Binigyang diin ni Minister Iqbal na ang moral na pangako ng mga bagong kawani sa kanilang mga tungkulin, kahalagahan ng integridad sa kanilang mga gawain, at hinihikayat din silang gampanan ang kanilang mga trabaho nang may katapatan at dangal ang ilan lamang sa kanyang payo. Anya pa, ang pinaka magandang uri ng edukasyon ay ma’ address nya ang mga kinakailangang bigyan ng pansin dito sa mundong ibabaw at kabilang buhay.
“We will do everything possible, to the best of our abilities, to hire more and more teachers kasi dito nakasalalay ang future ng Bangsamoro,” pahayag ni Minister Iqbal.
Sa kasalukuyan ang libu-libo na ang na hired ng MBHTE na mga guro sa buong Bangsamoro region mula sa 11 schools division offices.
Pinuri naman ni Dr. Concepcion Balawag, Superintendent ng Schools Division ng SDOCC, ang mga bagong appointee at binigyang-diin ang malaking responsibilidad na kaakibat ng kanilang mga posisyon. (Sahara A. Saban, BMN/BangsamoroToday)
